Plantun de Prouvènço

Pèr coumpara dos planto d'encò nostre

Ulmus glabra & Scrophularia nodosa

Ulmus glabra

Ulmaceae

Noms en français : Orme de montagne, Orme glabre.

Descripcioun :
L'ourme trachis dins li relarg umide de mountagno e souvènt dins li gaudre. Sèmblo proun à l'ourmèu, Ulmus minor, pamens l'aubre èi mai grand. Se recounèis à si fueio emé proun de costo o qu'an tres pouncho (aubre jouine). Lou fru èi peréu mai grand e la grano èi pu basso (mai liuen dóu pecou).

Usanço :
Dèu agué li mémis usanço que l'ourmèu.

Port : Aubre
Taio : 5 à 30 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Ulmus
Famiho : Ulmaceae

Ordre : Rosales

Coulour de la flour : Roso
Petalo : ges
Ø (o loungour) flour : 1 à 2 mm
Flourido : Printèms Ivèr

Sòu : Ca (Si)
Autour basso e auto : 100 à 1700 m
Aparado : Noun
Febrié à abriéu

Liò : Fourèst - Gaudre
Estànci : Subremediterran à Mountagnard
Couroulougi : Éurasiano
Ref. sc. : Ulmus glabra Huds., 1762

Erbo-dis-escrolo

Scrophularia nodosa

Scrophulariaceae

Nom en français : Scrofulaire noueuse.

Descripcioun :
L'erbo-dis-escrolo douno d'èr à l'erbo-dóu-siège, pamens èi mens forto, sa tijo èi carrado mai sènso alo e pleno (fotò). Ei gaire coumuno au nostre, aleva dins lis Aup marino. Trachis dins li relarg fres.

Usanço :
Coume soun noum lou dis, l'erbo-dis-escrolo èro emplegado pèr gari (o pulèu sougna) lis escrolo que soun de boufigo (fotò) que vènon dins lou còu en rapport emé la tuberculòsi que ié disien à l'Age-Mejan, en latin, struma o morbus regius (mau de rèi). A l'Age-Mejan li rèi an lou poudé de gari lis escrofo ("écrouelles" en francés). A forto doso la planto pourrié èstre empouisounanto.